रुकुम पश्चिम / समाजवादी प्रेस संगठन नेपाल रुकुम पश्चिमको प्रथम जिल्ला भेला बिहिबार मुसिकोटमा सम्पन्न भएको छ । भेलाले भरत चन्दको अध्यक्षतामा १७ सदस्यीय जिल्ला कमिटी चयन गरेको छ ।

संगठनको उपाध्यक्षमा क्षितिज विश्वकर्मा, महिला उपाध्यक्षमा पुष्पा ओली, सचिवमा टेकराज पुन, सह सचिवमा होमजंग बस्याल र कोषाध्यक्षमा कमल भुषाल चयन हुनुभएको नव निर्वाचित अध्यक्ष चन्दले जानकारी दिनुभयो ।

सदस्यहरुमा पुर्णिमा सुनार, लक्ष्मण केसी, मदन केसी, अजय ओली, नविन ओली, कविता केसी, अनिता केसी, सुनिल परियार, शान्ति कुँवर, खेममान कुसारी र लक्ष्मण बस्नेत रहनुभएको छ ।

भेलामा नेकपा (एकीकृत समाजवादी)का जिल्ला अध्यक्ष विमलकुमार पुनको प्रमुख आतिथ्यता रहेको थियो भने समाजवादी प्रेस संगठन नेपालका केन्द्रीय सदस्य अमरराज पुनको विशेष आतिथ्यता रहेको थियो ।