सोसल मिडिया
रुकुम पूर्वमा ग्रामिण स्वास्थ्य सुधार परियोजना सुरु भएको छ । फेयरमेड फाउण्डेशनको सहयोगमा सर्वाङ्गिण विकास केन्द्र रुकुमले रुकुम पूर्वमा उक्त परियोजना सुरु गरेको हो ।
शुक्रबार जिल्लाको सिस्ने गाउँपालिकामा उक्त परियोजना बारेमा गाउँपालिकास्तरिय अभिमुखिकरण कार्यक्रम समेत गरिएको छ ।
कार्यक्रममा साझेदार संस्था सर्वाङ्गिण विकास केन्द्रका कार्यकारी निर्देशक लिलामणि गौतमले परियोजनाबारे विस्तृत जानकारी गराउनुभएको थियो । कार्यकारी निर्देशक गौतमले परियोजनाले सर्वसाधारणको स्वास्थ्य सुधारमा थप टेवा पुर्याउने बताउनुभयो ।
परियोजना गाउँपालिकाको स्वास्थ्य अवस्था कमजोर भएका अति विपन्न व्यक्तिहरुलाई प्राथामिकता दिदै सवै वडा र स्वास्थ्य चौकि तथा स्वास्थ्य केन्द्रहरुको समन्वय र सहकार्यमा संञ्चालन हुने बताईएको छ । परियोजनाको मर्म र उदेश्य अनुरुप परिणाममुखि नतिजा हासिल गर्नको लागी सिस्ने गाउँपालिकाको आवश्यक सहयोग रहने प्रतिवद्धता समेत कार्यक्रममा व्यक्त गरिएको छ ।
गाउँपालिकाले सहयोगि निकाय फेयरमेड फाउण्डेशन र स्थानीय साझेदार संस्था सर्वाङ्गिण विकास केन्द्र रुकुम पूर्वलाई धन्यवाद समेत दिएको छ।
परियोजनाले सिस्नेको स्वास्थ्य सुधारमा टेवा पुप्याउने र ग्रामिण क्षेत्रको स्वास्थ्य अवस्थामा सुधार हुने अपेक्षा रहेको गाउँपालिका अध्यक्ष बरालले बताउनुभयो ।
परियोजनाले स्वास्थ्यमा कार्यरत कर्मचारीहरूको क्षमता अभिवृद्धिको लागी आवश्यक तालिमहरुको आयोजना गरिनु सकारात्मक रहेको सिस्ने गाउँपालिकाका स्वास्थ्य सहसंयोजक पुष्पा ओलीले उल्लेख गर्नुभयो । वडा नम्वर ६ का वडा अध्यक्ष सुधन रेग्मीले परियोजनाको मर्म र उद्देश्य अनुसार जिल्लाको आवश्यकतालाई समेत ध्यानमा राखी क्रियाकलापहरु सञ्चालन गरिनुपर्नेमा जोड दिनुभयो ।
सिस्ने गाउँपालिका अध्यक्ष कुमारी बरालको अध्यक्षतामा सम्पन्न अभिमुखिकरण कार्यक्रममा गाउँपालिकाका उपाध्यक्ष गोवर्धन बुढा, प्रमुख प्रशासकीय अधिकृत चिन्तामणि दाहाल, वडा अध्यक्षहरु, स्वास्थ्य संयोजक र स्वास्थ्य चौकिका ईन्चार्जहरु लगायतको उपस्थिति रहेको थियो । अभिमुखिकरणको कार्यक्रमको सहजिकरण सर्वाङ्गिण विकास केन्द्रका फिल्ड सुपरभाइजर मदन खड्काले गर्नुभएको थियो ।
