सोसल मिडिया
रुकुम पश्चिम : गत फागुन २३ गतेबाट आठबिसकोटमा सुरु भएको तेस्रो नगर स्तरीय राष्ट्रपति रनिङ शिल्ड विवादका बिच आईतबार सम्पन्न भएको छ । आठबिसकोट नगरपालिकाको शिक्षा युवा तथा खेलकुद शाखाद्वारा आयोजित रनिङ शिल्ड वडा नम्वर ९ स्थित बालकल्याण माध्यमिक बिद्यालयमा भएको सञ्चालन भएको थियो ।
शिल्डमा बालकल्याण मावि राडीले ६ स्वर्ण, २ रजत प्राप्त गरि प्रथम भएको खेलकुद युवा तथा खेलकुद विकास समिति अध्यक्ष सन्देश बिकले जानकरी दिनुभयो । त्यस्तै ५ स्वर्ण, ४ रजक,२ कास्य प्राप्त गरि शाई कुमारी मावि रोकाजाखेतले दोस्रो स्थान प्राप्त गरेको छ । ५ स्वर्ण, ३ रजक र २ कास्य प्राप्त गरि जनता मावि झिन्चौर तृतीय भएको आयोजकले जानकारी दिएको छ ।
त्यस्तै कालिका मा.बि. सुन्दरपानीले ५ स्वर्ण १ रजत, २ कास्य प्राप्त प्राप्त गरेर चौथो स्थान हाँसिल गरेको छ भने २ स्वर्ण, ३ रजत र ३ कास्य प्राप्त गरि ज्ञानोदय मावि चौताराले पाँचौ स्थान प्राप्त गर्न सफल भएको छ ।
बिद्यार्थीद्वारा न्यायको माग
खेल सुरुवात भएको सातौ दिनमा समापन भएको रनिङ शिल्डमा केहि बिद्यार्थी र बिद्यालयलाई अन्याय भएको भन्दै नगरपालिकामा निवेदन पेश गरेका छन् । खेल सञ्चालन भएको बालकल्याण उच्च माबि लाई जिताउने मनसायले आयोजक र रेफ्रि लागेको भन्दै न्याय र कारबाहिको माग गरिएको छ ।
प्रतियोगीतामा सहभागि शाई कुमारी माविका नौ जना बिद्यार्थीहरुले आईतबार नगरपालिकाको शिक्षा शाखामा न्याय दिलाई पाउँ भन्दै निवेदन पेश गरेका छन् । उनीहरुले २५ गते भएको बालकल्याण मावि सँगको भलिबल प्रतियोगितामा आफ्नो टिमलाई अन्याय गरेको उल्लेख गरेका छन् ।
भलिबलको जालिमा राखिएको एण्टेनाको बाहिरबाट आएको बललाई समेत नदेखेजस्तो गरेर रेफ्रिले बिपक्षिलाई नम्वर दिएको उनीहरुको आरोप छ ।
यस बिषयमा आवाज उठाउँदा आफुहरुलाई हप्कीदप्की गरेको र छलफल बिनै खेलबाट सम्पूर्ण टिमलाई हटाएको बिद्यार्थीहरुको भनाई छ । खेल खेल्नै नपाउँने गरी गरेको घोषणाले आफुहरुको खेले खेल्न पाउँने अधिकार बञ्चित गरिएको भन्दै न्याय पाउँने आशाले नगरपालिकामा निवेदन पेश गरिएको शाई कुमारी माविका बिद्यार्थी रोशनी घर्तिले बताउनुभयो ।
कारबाहीको नभए शिल्डमा सहभागी नुहुने
प्रतियोगीतामा सहभागि शाई कुमारी मावि रोकाजाखेतले खेल सञ्चालनका क्रममा आयोजकले गल्ति गरेको भन्दै कारबाहिको माग गरेको छ ।
आईतबार नगरपालिकामा बिद्यालयले एक निवेदन पेश गरेर सुरुको टाईसेट र गोलाप्रथा देखि नै आयोजकले गल्ति गरेको भन्दै रिले दौडमा प्रथम भएका आफ्नो बिद्यालयका बिद्यार्थीलाई हराएको आरोप लगाईएको छ ।
यस बिषयमा कुरा उठाउँदा शिक्षा शाखाकै जिम्मेवार व्यक्तिबाट धम्कि आएको समेत निवेदनमा उल्लेख गरिएको छ । बिद्यालयले यस खालका गल्ति कमजोरी गर्नेहरुलाई कारबाहिको माग गर्दै कारबाहि नभएसम्म आगामी रनिङ शिल्डमा सहभागी नहुने समेत निवेदनमा उल्लेख गरेको छ ।
