जाजरकोट / जाजरकोटका एक जना कार्यालय प्रमुखलाई कालोमोसो र जुत्ताको माला लगाइएको छ । 

विप्लव नेतृत्वको नेपाल कम्युनिस्ट पार्टीको सहायक संगठन युवा संगठन नेपालले जिल्ला स्वास्थ्य कार्यालय जाजरकोटका प्रमुख टिकाराम जैसीलाई कालोमोसो र जुत्ताका माला लगाएर कारबाहि गरेको बिज्ञप्ती मार्फत जानकारी गराएको छ ।

संगठनका जाजरकोट जिल्ला ईन्चार्ज विवश र अध्यक्ष डि.आर.ले आज सोमबार एक सयुक्त बिज्ञप्ती जारी गरेर भ्रष्टाचारी, कमिसनखोर, अनियमितता, मनोमानीको आरोप लगाउनदै कालोमोसो र जुत्ताको माला लगाइएको जानकारी दिनुभयो ।

बिज्ञप्तीमा संगठनले ६ महिनासम्म अनुसन्धान गरेर प्रमुख जैसीका थुप्रै अनियमिता भेटाएको जनाईएको छ । कार्यालय प्रमुखको जिम्मेवारीबाट राजिनामा नदिएमा थप कारबाहि गरिने समेत जनाईएको छ । विज्ञप्तीसँगै जैसीलाई कारबाहि गर्नुका कारणहरु पनि उल्लेख गरिएको छ ।