सोसल मिडिया
सुर्खेत / भेरी नदीमा बेपत्ता भएका तीन जना बालबालिकाको शव भेटिएको छ । नुहाउने क्रममा बेपत्ता भएका तीन जनामध्ये एक जनाको बुधबार र दुई जनाको बिहीबार शव भेटिएको जिल्ला प्रहरी कार्यालय सुर्खेतले जनाएको छ । सुर्खेतको लेकवेशी नगरपालिका–२ का ८ वर्षीय दिनेश बुढाको भेरीगंगा नगरपालिका–२ स्थित भेरी पुल नजिकै बुधबार शव भेटिएको थियो ।
यस्तै भेरीगंगा नगरपालिका–११ का १२ वर्षीय कृष्ण सिंजाली र १२ वर्षीय गंगा खड्काको शव बिहीबार भेटिएको हो । उनीहरुको शव भेरीगंगा नगरपालिका–१३ स्थित नदी किनारमा भेटिएको जिल्ला प्रहरी कार्यालय सुर्खेतका प्रवक्ता एवं डीएसपी रामप्रसाद घर्तीले जानकारी दिनुभयो ।
उनीहरु गत शनिबार नुहाउने क्रममा भेरी नदीमा बेपत्ता भएका थिए ।
