रूकुम पश्चिम / जिल्लाको सानिभेरि गाउँपालिका वडा नम्बर ४ मा ११५ जना जेष्ठ नागरिकलाई सम्मान गरिएको छ । वडाका ६० बर्षमाथिका दलित जेष्ठ नागरिक र ७० बर्षमाथिका अन्य जेष्ठ नागरिकलाई सम्मान गरिएको हो ।

सम्मानसँगै जेष्ठ नागरिकमध्ये महिलालाई ढाकाको चोलि र पुरूषलाई उलनको सर्ट वितरण गरिएको वडा सचिब मनोज कुमार खड्काले बताउनुभयो । उहाँका अनुसार वडा कार्यालयको ५० हजार आर्थिक सहयोगमा वडा जेष्ठ नागरिकहरूलाई सम्मान गरिएको छ ।

वडा अध्यक्ष नरसिंगे बुढाथोकीको अध्यक्षता सम्पन्न कार्यक्रममा जनप्रतिनिधिहरु, नेकपा माओवादी केन्द्र सानिभेरि ४ वडा अध्यक्ष खडक चन्द लगायतको उपस्थिति रहेको थियो । कार्यक्रमको संचालन वडा सचिब मनोज कुमार खड्काले गर्नुभएको थियो ।