रुकुम पश्चिमको विजयश्वरी सेकेन्डरी ईङ्गलिस मिडियम बोर्डिङ स्कुलका प्रीन्सिपल जयबहादुर थापा (जेबि सर) प्रेसिडेन्ट अवार्ड २०७८ बाट सम्मानित हुनुभएको छ ।

निजि तथा आवासिय विद्यालय अर्गनाइजेसन, नेपाल (प्याब्सन) ले उहाँलाई प्रेसिडेन्ट अवार्ड तथा रजत पदक २०७८ द्वारा सम्मान गरेको हो ।

काठमाडौमा जारी प्याब्सनको १५औं राष्ट्रिय महाधिवेशनको अवसरमा उहाँलाई शिक्षा मन्त्री देवेन्द्र पौडेल, प्रधानमन्त्री तथा मन्त्री परिषदको कार्यालयका राज्यमन्त्री उमेश श्रेष्ठ, प्याब्सन केन्द्रीय अध्यक्ष टिकाराम पुरी लगायतले उहाँलाई सम्मान गर्नुभएको हो । निजि बिद्यालयहरुको संगठनमा रहि विद्यालयहरुको हकहित संरक्षण र शिक्षा क्षेत्रमा पुर्‍याएको योगदानको कदर गर्दै थापालाई सम्मानित गरिएको हो । 

थापा प्याब्सन केन्द्रीय सदस्यको उम्मेदवार पनि रहनु भएको प्याब्सन रुकुम पश्चिमका अध्यक्ष बिमल कुमार शर्माले बताउनुभयो ।