रुकुम पश्चिमको सानीभेरी गाउँपालिका क्षेत्रमा हालसम्म २७८ किलोमिटर सडक निर्माण भएको छ । स्थानीय सरकार बनेदेखि गाउँपालिकामा २७८ किलोमिटर सडक बनाईएको हो ।

सानिभेरी गाउँपालिका ५ मा भएको जनता संवाद कार्यक्रममा गाउँपालिकाका प्रमुख नरबहादुर पुनले सो जानकारी दिनुभएको हो । जसमध्य १८ किलोमीटर पक्की भैसकेको, ४८ किलोमिटरको स्तरोन्नती गरिएको र बाँकि सडक कच्ची भएको पनि उहाँले बताउनुभयो ।

सानिभेरी गाउँपालिकाले सडकमा प्रगती गरेको र अब ती सडकको स्तरवृद्धि गर्दै बाह्रै महिना चल्ने सडक बनाउन बाँकी रहेको अध्यक्ष पुनले बताउनुभयो ।

सानिभेरी गाउँपालिका जस्तो निकै कष्टकर भुगोलमा पनि यसरी पाँच बर्षको कार्यकालमा २७८ किलोमिटर सडक तयार हुनु खुशिको कुरा भएको स्थानीय बलराम पुनले बताउनुभयो ।

फोटो सौजन्य : नारायण ओली