सोसल मिडिया
रुकुम पश्चिम / जिल्लाको सानीभेरी गाउँपालिकाका जनप्रतिनिधिहरु जनतासँग संवाद कार्यक्रम दिएर गाउँ गाउँमा गएका छन् । पाँच बर्षे कार्यकालको समिक्षा सहित जनता माझ समिक्षा गर्नलाई यस्तो कार्यक्रम गरिरहेको गाउँपालिका अध्यक्ष नरबहादुर पुनले जानकारी दिनुभयो ।
कार्यक्रमको सहजिकरण महशुस मल्टिमिडियाले गरिरहेको छ । सानीभेरी गाउँपालिकाको पाँच बर्षे कार्यकालको समीक्षा गर्न तयार पारिएको जनता संवाद कार्यक्रम गाउँपालिकाको विभिन्न वडाहरुमा गरिरहेको महशुस मल्टिमिडियाका प्रतिनिधि नलेज के.सीले जानकारी दिनभयो ।
जनता संवाद कार्यक्रममा जनता र जनप्रतिनिधि बिच अन्तरक्रिया हुने गरेको छ । जनताले प्रश्न सोध्ने, जनप्रतिनिधिले आफ्नो कार्यकालमा गरेका कामहरु जानकारी दिएर आएका गुनासाहरुको सुनुवाई गर्ने गरिएको केसीले बताउनुभयो ।
बुधबार गाउँपालिकाको वडा नं ७ को छोटे बगरमा जनता संवाद कार्यक्रम सम्पन्न भएको छ । संवाद कार्यक्रममा गाउँपालिकाको वडा नं ७ का जनता र जनप्रतिनिधि बिच अन्तरक्रिया भएको बताईएको छ । कार्यक्रममा वडावासीले प्रश्नहरु जनप्रतिनिधि समक्ष राखेका थिए भने जनप्रतिनिधिले जनताका गुनासो र प्रश्नलाई जवाफ दिएका थिए ।
कार्यक्रममा सानिभेरी गाउँपालिकाका अध्यक्ष नरबहादुर पुन, उप प्रमुख इन्दिरा वलि, वडा अध्यक्ष कुल बहादुर बुढा लगाएतको उपस्तिथि रहेको थियो।
जनता संवाद कार्यक्रम यस अघि सानीभेरी गाउँपालिकाकाको वडा नं ३, ५ र ६ मा सम्पन्न भैसकेको जनाईएको छ ।
