सोसल मिडिया
रुकुम पश्चिम / रुकुम पश्चिम र जाजरकोट जोड्ने भेरी नदिमा रहेको झोलुङ्गे पुलबाट खसेर एक महिला घाइते हुनुभएको छ । जाजरकोटको भेरी नगपालिका २ रिसाङकी ५२ बर्षकी देवी पुन पुलबाट खसेर घाइते हुनुभएको हो ।
बिहिवार दिउँसो चौरजहारीबाट घर फर्कने क्रममा जिर्ण अवस्थामा रहेको पुलबाट खसेर घाइते भएको उहाँका छोरा प्रेमबहादुर पुनले जानकारी दिनुभयो । उहाँका अनुसार पुलबाट खसेर भेरी नदिको छेउमा परेकी आमाको बायाँ तर्फको शरीर चलिरहेको छैन । उहाँको ढाडको करङ र दुबै खुट्टा भाचिएको बताईएको छ। घाइते देवी पुनलाई हिजो स्थानीय मेडिकलमा सामान्य उपचार गरिएको र आज थप उपचारको लागी नेपालगन्ज लिइएको छ ।
स्थानीय टोपेन्द्र विश्वकर्माले पुलका विभिन्न भागमा रहेका फ्ल्यागहरु झरेको र लगाएका काठहरु कुहिएर झप जोखिम भएको बताउनुभयो । पुल तर्ने क्रममा कुहिएको काठमा टेकेकी देवि पुन पुलबाट फुत्किएर नदि किनार परेको उहाले बताउनुभयो ।
जाजरकोटको भेरी नगरपालिका ११ र रुकुम पश्चिमको चौरजहारी नगरपालिका ३ जोड्ने मटेलाको पुल जिर्ण भएकोले मान्छे खस्ने अवस्थामा पुगेको हो । स्थानीय सन्देश शर्माले ऎतिहासिक मानिएको झोलुंगे पुल जिर्ण बन्दै जादा पनि सरोकारवालाको ध्यान जान नसकेको बताउनुभयो । पुल वारपार गर्ने बिद्यार्थीहरु समेत पुलको डंडी समातेर जोखिमपुर्ण यात्रा गर्न बाध्य भएको उहाँले जनाउनुभयो ।
बेला बेला टालटुल पारेर सरकारी बजेट सक्काउने गरेको स्थानीयको गुनासो छ । अहिले पुलमा लगाईएका फल्यागहरु टुटेका छन् भने वरिपरि लगाईएका तारजाली र डण्डि पनि फुत्किदै गएका छन् । पुलबाट दैनिकजसो मोटरसाइकलहरु आवतजावत गराउदा पनि पुल जिर्ण बन्दै गएको स्थानीयको भनाइ छ ।
