रुकुम पश्चिमको त्रिवेणी गाउँपालिकामा एक गाउँपालिका उपाध्यक्ष सहित ११ जनाको उम्मदेवारी फिर्ता भएको छ । स्थानीय तह निर्वाचनको लागि उम्मेदवारी दिनुभएका एक उपाध्यक्ष, पाँच वडा अध्यक्ष र पाँच जना महिला सदस्यले उम्मेदवारी फिर्ता लिनुभएको हो ।

आज शुक्रबार निर्वाचन अधिकृतको कार्यालय खारानेटामा गएर गाउँपालिका उपाध्यक्षमा स्तन्त्र उम्मेदवारी दिनुभएका डिल्लीबहादुर ओली सहति ११ जनाले उम्मेदवारी फिर्ता लिनुभएको हो ।

उम्मेदवारी फिर्ता लिने वडा अध्यक्षको उमेदवारहरुमा २ नम्वरका राजेन्द्र पुन, ५ नम्बर वडाका तुल्सिराम ओली वडा सदस्य ओमप्रकाश ओली, वडा नम्बर ६ का मकरबहादुर ओली र गंगा विक र ८ नम्वरका प्रेमबहादुर खड्का रहनुभएको छ ।

सदस्य पदमा उम्मेदवार दिनुभएका बिउसना डाँगी, बिरमा वादी, दिपा केसी ओली र गनेशा ओलीले उम्मेदवारी फिर्ता लिएको निर्वाचन अधिकृत कृतिबहादुर बस्नेतले बताउनुभयो ।

निर्वाचन अधिकृत बस्नेतका अनुसार १ सय ३९ जनाले उम्मेदवारी दर्ता गराएका थिए । अब भने ११ जनाले उम्मेदवारी फिर्ता लिएपछि १ सय २८ जना उम्मेदवारको नामावली प्रकाशन गरिएकाे छ ।