सोसल मिडिया
कविता - प्रश्न गर
सुशासन रहित व्यबहारको खोल ओडेर
क्रान्ति र समृद्धिको पैरवी गर्नेमाथि प्रश्न गर ।
अंशुवर्मा, जनक, मार्टिन, अब्राहम, लिक्वान यु, माओको
विकास मोडेल कस्तो हो ? भनी प्रश्न गर ।
आन्दोलन बखतको क्रान्तिकारीपन र नाराहरु
कुन भान्सामा पाकिरहेको छ ? भनी प्रश्न गर ।
समृद्ध नेपाल, सुखी नेपालीको नाराले
कुम्भकर्णको रुप धारण गरेकै होर ? भनी प्रश्न गर ।
पहुँचवालाको नीजी सम्पति बनेको न्याय
राम शाहको न्याय जस्तो कहिले हुन्छ ? भनी प्रश्न गर ।
निरो, कोलम्बस, बेनिटो, हिटलर, चर्चिलको
अत्याचार, शोसन, दमनबाट के पाठ सिक्यौ ? भनी प्रश्न गर ।
प्रतिक्रियावादीको पिजँडाबाट मुक्तभई
राष्ट्रिय हितको बारेमा कहिले सोच्छौ ? भनी प्रश्न गर ।
