सोसल मिडिया
रुकुम पश्चिमको चौरजहारीमा शुक्रबार राती नेकपा माओवादी केन्द्र र नेपाली काँग्रेसका कार्यकर्ता बिच झडप भएको छ । चुनावी गतिबिधिका क्रममा झडप भएको प्रहरीले जनाएको छ ।
चौरजहारी नगरपालिका वडा नम्वर १ घारीगाउँमा भएको झपडका क्रममा माओवादी कार्यकर्ताको आक्रमणमा परेर नेपाली काँग्रेसका वडा सभापति सहित तीन जना घाईते भएका छन् । वडा सभापति यज्ञश बिष्ट, तरुण दल चौरजहारीका अध्यक्ष त्रिलोचन गिरी र काँग्रेस कार्यकर्ता मनबहादुर बिक घाईते हुनुभएको छ ।
घाईते बिष्ट र बिकको टाउकोमा गम्भिर चोट लागेको कारण थप उपचारको लागि नेपालगञ्ज पठाईएको छ । गिरीको भने चौरजहारी अस्पतालमा उपचार भैरहेको प्रहरीले जनाएको छ ।
दर्जनौ माओवादी कार्यकर्ताहरु एक गाउँबाट अर्को गाउँ गएर काँग्रेस कार्यकर्ता माथी आक्रमण गर्दा पनि प्रहरी मुकदर्शक बनेको नेपाली काँग्रेस चौरजहारीको आरोप छ ।
