सोसल मिडिया
ढाडभन्दा तलको भाग चल्दैन्, ह्वीलचियरबिना उनी यताउती गर्न पनि सक्दिनन् । निंङगलाशैनी मावी देहीमाण्डौ बैतडीकी करिस्मा बोहोरालाई कक्षा १० मा पुगेदेखी नै एउटै चिन्ता थियो, पढ्न त जसो तसो पढौँला, तर एसईई दिन केन्द्रसम्म कसरी जाउँला ?
आईतबारबाट परिक्षा सुरु भयो । भाग्यमानी करिस्मा, उनले आफुसंगै घस्रीने ह्वीलचियरमा घरकै आँगनमा बसेर परिक्षा दिन पाईन् । उनी यसरी घरबाटै एसईई दिने नेपालकै पहिलो बिद्यार्थी हुन् । नेपालमा यसैपनि अपांगमैत्री भवन सडक र सार्वजनीक स्थल छैनन् ।
करिस्माको केन्द्र परेको थियो, दशरथचन्द नगरपालिका १ मणीलेक मावी गुरुखोला । त्यहाँसम्म जान उनको अवस्थाले नमिल्ने भएपछी बिद्यालयले शिक्षा विकास तथा समन्वय इकाइसंग समन्वय गरेर सहज परिक्षाको वातावरण मिलाएको हो ।
“करीश्मा परीक्षा दिन परीक्षा केन्द्रसम्म जान नसक्ने भएकोले घरबाटै करीश्मालाई परीक्षा दिने व्यवस्था मिलार्ईएको हो ।” शिक्षा विकास तथा समन्वय इकाइ प्रमुख नरेन्द्रप्रसाद अवस्थीले बताए ।
“नेपालमै एसइई घरवाटै दिएको पहिलोपटक बैतडीमा हो ” उनले भने “एसएलसी सुरु भएको १९९० देखि नै पहिलो विद्यार्थी करीश्मा बनेकी छन्” । परीक्षाको लागी एक जना निरीक्षक र एक जना सुरक्षाकर्मीको व्यवस्था पनि घरमै गरीएको थियो ।
