सोसल मिडिया
रुकुम पुर्वमा उत्साहका साथ मतदान सुरु भएको छ । जिल्लाका अधिकास मतदान केन्द्रहरुमा बिहान ७ बजेदेखि मतदान सुरु भएको हो ।
मतदानका लागि बिहानै लागि मतदाताहरु आफ्नो मतदान केन्द्रमा गएर लाईनमा बसेका छन् । धेरैजसो मतदान केन्द्रहरुमा मतदान सुरु हुने समय ७ बजेभन्दा अगाडी नै मतदाताहरु पुगेका थिए । मतदातासङ्गै उम्मेदवारहरु पनि आ आफ्नो मतदान केन्द्रमा पुगेका छन ।
जिल्लाबाट निर्वाचित संघ तथा प्रदेश सरकारका प्रतिनिधिहरुले पनि आ आफ्नो मतदान केन्द्रबाट मतदान गर्नुभएको छ ।
रुकुम पुर्वबाट निर्वाचित प्रतिनिधि सभा सदस्य तथा पुर्व खेलकुद मन्त्री कमला रोकाले सिस्ने गाउँपालिका २ मा रहेको हिमालय मावि नायगाडबाट मतदान गर्नुभएको छ । पूर्व वाणिज्य तथा आपूर्ति मन्त्री गणेशमान पुनले पनि सिस्ने गाउँपालिका २ मा रहेको नवज्योती प्राथमिक बिद्यालय खरिबोटबाट मतदान गर्नुभएको छ ।
यस्तै लुम्बिनी प्रदेशका सभामुख पुर्णबहादुर घर्तीले भुमे गाउँपालिका ९ नम्बर वडामा रहेको नेपाल राष्ट्रिय मा बि गैरीगाउँमा पहिलो मतदाताको रुपमा मतदान गर्नुभएको छ । त्यसैगरी प्रदेश सभा सदस्य तेजबहादुर ओलि र जिल्ला समन्वय समितिका प्रमुख गजेन्द्र बहादुर वलिले भुमे गाउँपालिकाको ६ नम्बर वडामा रहेको जनजागृती मा बि महतमा केन्द्रबाट मतदान गर्नुभएको छ ।
