रुकुम पश्चिमको बाँफिकोट गाउँपालिका अध्यक्षमा नेपाली काँग्रेस उम्मेदवार जनककुमार बाँठा विजयी हुनुभएको छ । उहाँले ४ हजार ४५५ मत ल्याएर जित हाँसिल गर्नुभएको हो ।

बाँठाका निकटतम प्रतिद्वन्द्वी माओवादी केन्द्रका उम्मेदवार चन्द्रबहादुर केसीले ४ हजार ४२४ मत प्राप्त गर्नुभएको छ । बाँठाले केसीलाई ३१ मतान्तरले पराजित गर्नुभएको हो ।

त्यसैगरी गाउँपालिकाको उपाध्यक्षमा माओवादी केन्द्रकी तारा बुढा केसी विजयी हुनुभएको छ । उहाँले ४ हजार ५६० मत ल्याएर विजयी हुनुभएको हो । उहाँका निकटतम प्रतिद्वन्द्वी नेपाली काँग्रेसकी उम्मेदवार नन्दा कुमारी नाथले ४ हजार १६० मत ल्याउनुभएको छ । उपााध्यक्ष पदमा ४०० मतान्तर रहेको छ ।

बाँफिकोटका १० वडा मध्य ८ ओटामा माओवादी केन्द्र र २ वडामा नेपाली काँग्रेस - एमाले गठबन्धनले विजय भएको छ ।