सोसल मिडिया
रुकुम पश्चिम / रुकुम पश्चिमको चौरजहारी नगरपालिकाले असाहय, अशक्त, शहिद परिवार र वादि समुदायका नागरिकलाई निशुल्क स्वास्थ्य बीमा गर्ने भएको छ ।
नगर प्रमुखमा निर्वाचित भएपछि पदभार ग्रहण गर्ने क्रममा प्रमुख पुष्प बादीले उक्त निर्णयको फायल सदर गर्नुभएको हो ।
पदभार ग्रहणको अवसरमा प्रमुख बादीले मुख्य तीन ओटा निर्णय गरेको बताउनुभयो । उहाँले स्वास्थ्य बीमा असाध्यै प्रभावकारी रहेको भन्दै बीमाको पहुँचमा पुग्न नसकेका नगर क्षेत्रका सबै नागरिकको अवस्था हेरेर स्थानीय सरकारले निशुल्क बीमा गरिदिने बताउनुभयो ।
नगर प्रमुखमा पदभार गरेको दिनमै दिनमै उहाँले सुत्केरी महिलाहरूका लागि निःशुल्क एम्बुलेन्स सेवा उपलब्ध गराउने निर्णय गरेको जानकारी दिनुभयो ।
त्यसैगरी नगरपालिका ६ मा आगलागीमा परेर निधन भएकी १९ दिनको नवजात शिशु सुशिला रोकायको परिवारलाई १० हजार आर्थिक सहयोग प्रदान गर्न फाइल सदर गरेको नगर प्रमुख बादीले जनाउनुभयो ।
