सोसल मिडिया
रुकुम पश्चिम / रुकुम पश्चिमको सानीभेरी गाउँपालिकाले ४० बर्षसम्म बिहे नगरेकी महिलालाई सामाजिक सुरक्षा भत्ताको व्यवस्था गर्ने भएको छ । आगामी आर्थिक बर्षको बजेटमा उक्त व्यवस्था गरेर कार्यान्वयन गर्ने गाउँपालिकाले जनाएको छ ।
४० बर्षसम्म बिहे नगरेर बसेकी महिलालाई सामाजिक सुरक्षा भत्ताको व्यवस्था सहितको योजना तथा बजेट ल्याउन लागेको गाउँपालिका उपाध्यक्ष कमला रोका पुनले बताउनुभयो । उहाँले बिहिबार गाउँपालिका १० का मतदाताहरुलाई धन्यवाद तथा चुनावी समिक्षा कार्यक्रमका बोल्दै उक्त कुराको जानकारी दिनुभएको हो ।
नेपालमा महिलाहरु हेप्पिएको र पछाडि परेको मात्रै नभई बनाएको कानुन समेत लुकाउने छिपाउने प्रवृति रहेको उहाँले उल्लेख गर्नुभयो । आमाको नामबाट पनि नागरिकता पाउने व्यवस्था हुँदाहुँदै पनि कानुन कार्यान्वयनमा अनेक झमेला निम्तयाईएको उहाँले गुनासो समेत गर्नुभयो ।
उहाँले कानुनको पुर्ण पालना गर्दै महिला पहिला कार्यक्रम, आयआर्जन, चेतनाबृद्धि लगायतका योजना प्राथमिकतामा रहने बताउनुभयो । मतदाताहरुप्रति आफु ऋणि रहेको भन्दै क्षमता र बुद्धिले भ्याएसम्म ॠण तिरेर देखाउने उपाध्यक्ष रोकाले बताउनुभयो ।
