सोसल मिडिया
डडेल्धुराको अमरगढी नगरपालिकाका एक वडाध्यक्षको पेट्रोलपम्पमा मिसावट गरि विक्रि गरेको पाईएपछि स्थानीय सेवाग्राहीले क्षती पुर्तीको माग राखेका छन् ।
वडा नं ८ का वडाध्यक्ष नरबहादुर साँकीको पेट्रोलपम्पमा पेट्रोल भरेका हर्कबहादुर बोहोराको मोटरसाईकल केही मिनेटमै बन्द भएपछि पेट्रोलमा मिसावट भएको खुलासा भएको हो ।
बोहोराको मोटरसाईकलमा मिसावटको पेट्रोल परेको थाहा पाएपछि सो पेट्रोलपम्पबाट तेल भरेका स्थानीयले ठगी गरेको भन्दै वडाध्यक्षविरुद्ध आन्दोलन गरेका छन् ।
वडाध्यक्षको पेट्रोलपम्पले कालोबजारी गरेको भन्दै स्थानीयले प्रमुख जिल्ला अधिकारीसमक्ष कारबाहीको माग राखेका छन् ।
