आन्दोलनरत चिकित्सकसंग सरकारले वार्ता नगर्ने प्रष्ट पारेको छ । वार्ता नगरीकनै चिकित्सकका माग सम्बोधन गर्ने तयारी सरकारको छ ।

स्वास्थ्य मन्त्रालयका प्रवक्ता महेन्द्र प्रसाद श्रेष्ठले बुधबार प्रधानमन्त्री र सचिवहरुबीच छलफल भएको भन्दै चिकित्सकका मागबारे पहिले नै जानकारी भएकाले वार्ता बिनै माग सम्बोधन गर्ने तयारी भएको जानकारी दिए ।

सरकारले चिकित्सकले आन्दोलन रोकेर सेवा सुरु गरे सरकार माग पुरा गर्न तयार रहेको प्रवक्ता श्रेष्ठले बताए । सरकारी चिकित्सक संघ गोदानले भने सरकारले वार्ताका लागी बोलाए आन्दोलन रोक्ने बताएको छ ।

नेपाल चिकित्सक संघले भोलि आकस्मिक भेला बोलाएको छ । वीर अस्पताल प्रशासनले प्रहरी प्रयोग गरेर सरकारी चिकित्सकहरुको आन्दोलनका कारण बन्द रहेको टिकट काउन्टर खुलाएपछि आक्रोशित बनेको संघले आकस्मिक भेला बोलाएको हो ।