कविता-अर्थ पत्ता लगाऊँ

२०७९ साउन ७

- नरेन्द्र राणा

छरपस्ट छन् चिट्ठी पत्रहरू

असरल्ल छन् बोझिला फाइलहरू

तर पनि

म एकतमास सालिक झैं

हलचल नगरी हेरिरहेछु

थाह छैन- के ?

आइरहेछन् मानिसहरू

गइरहेछन् मानिसहरू

कसैले थुकिरहेछ

कसैले ढोगिरहेछ

भञ्‍ज्याङको झ्याङ जस्तो जिन्दगी

किन ह्याङ भइरहेछ ?

कोही आकाशमा पुग्ने बाटो

निर्माणका कुरा गरिरहेछन्

कोही पाताल उत्खननका निम्ति

डिपिआर र मास्टरप्लान बनाइरहेछन्

कुवाको गन्हाउने पानी जस्तै जिन्दगी

फराकिलो किन नभएको होला ?

दुःखका पहाड उक्लँदा पनि

दुनिया खित्का छाडिरहेछ

सुखका मैदानमा फिँजारिएका सपनाका बिस्कुनमा पनि

दुनियाँ आँसु झारिरहेछ

विपर्यको असमन्जसमा जिन्दगी

शान्त यति धेरै किन होला ?

प्रकाशित मिति: शनिबार, साउन ७, २०७९ ११:०७

प्रतिक्रिया दिनुहोस्

लोकप्रिय

थप समाचार

२०७९ साउन ७

२०७९ साउन ७

२०७९ साउन ७

२०७९ साउन ७