सोसल मिडिया
रुकुम पश्चिम / रुकुम पश्चिममा आइतबार खोलाले बगाएका एक बृद्धको शव फेला परेको छ । जिल्लाको सानीभेरी गाउँपालिका वडा नम्बर ३ का ७० बर्षिय दलबिर गुरुङ सोमबार मृत अबस्थामा फेला पर्नुभएको हो ।
आइतबार बिहान खोला छेउमा हिड्दै गरेको अबस्थामा देउताखोलाले बगाएर गुरुङ बेपत्ता हुनुभएको थियो । खोजिको क्रममा रिम्ना देखि माथी फल्लेबगर भन्ने स्थानमा उहाँको शव फेला परेको सानीभेरी गाउँपालिका वडा नम्बर ३ का वडा अध्यक्ष जगदिश नकालले जानकारी दिनुभयो ।
त्यस्तै आइतबार बिहान सोहि वडाकी ७० बर्षिया लिला गुरुङ पनि बेपत्ता हुनुभएको थियो । देउताखोलाले बगाएर बेपत्ता भएको तर अहिलेसम्म फेला नपरेको वडा अध्यक्ष नकालले जानकारी दिनुभयो । उहाँको खोजी कार्य भैरहेको छ ।
