दिनेश एफएममा कार्यरत पत्रकार जनक विष्टलाई कुटपिट गर्ने धनगढीका व्यापारी तेजेन्द्र थापालाई प्रहरीले पक्राउ गरेका छ ।

आईतवार दिउसोको समयमा विष्टमाथि कुटपिट भएको थियो । कुटपिट गर्ने थापालाई वडा प्रहरी कार्यालयका प्रहरी निरिक्षक वकिल सिंह नेतृत्वको प्रहरी टोलीले धनगढीको एलएन चोकबाट पक्राउ गरिएको जिल्ला प्रहरी कार्यालय कैलालीले जनाएको छ ।

पत्रकार बिष्टलाई धनगढीको त्रिनगर माध्यमिक विद्यालयमा थापाले कुटपिट गरेका हुन् । दोषिलाई कार्वाहिको माग गर्दै पत्रकार महासंघ कैलाली, दिनेश संचार गृहले विज्ञप्ती समेत जारी गरको थियो भने सामाजिक संजालमा पनि घटनाको व्यापक रुपमा विरोध आएको छ ।