रुकुम पश्चिम / नापी कार्यालय रुकुम पश्चिममा भू– सूचना प्रणाली (नेलिस) मार्फत सेवा सुरु भएको छ । यो सेवा सुरु भएसँगै अब सेवाग्राहिले नापी कार्यालयको अधिकांश सेवा घरमै बसेर प्राप्त गर्न सकिने नापी कार्यालयले जानकारी दिएको छ ।

कार्यालयका सूचना अधिकारी तथा नापी सर्वेक्षक जगबिर बिष्टका अनुसार आज पहिलो आउने तीन जना सेवाग्राहिलाई नेलिस प्रणाली मार्फत सेवा दिएर उक्त प्रणाली सुरु गरिएको हो । नापी विभागले ५१ औ कार्यालयको रुपमा नापी कार्यालय रुकुम पश्चिममा उक्त सेवा सुरुवात गरेको सूचना अधिकारी विष्टले जानकारी दिनुभयो ।

यो सेवाको www.merokitta.dos.gov.np मा गएर निवेदन दिन सकिने छ । मेरो कित्ता वेभ पेज मार्फत निवेदन दिएर अनलाईनबाटै कित्ताकाट, नक्शा प्रिन्ट, प्लट रजिष्टर उतार, फिल्डबुक उतार, जग्गा नाप जाँचको लागि रेखांकनको निवेदन लगायतको सेवा घरबाटै लिन सकिने नापी कार्यालयले जनाएको छ ।

यो प्रणाली मार्फत बैंक तथा वित्तिय सस्थाहरु, सेवाग्राहि सबैले अनलाईनबाटै सेवा लिन सक्ने बताईएको छ । यो सेवा संचालनका लागि नापी विभागबाट प्रतिनिधि आएर तालिम समेत प्रदान गरेको सूचना अधिकारी विष्टले बताउनुभयो ।

विभागीय प्रतिनिधि तथा नापी सर्वेक्षक दिनेश खत्रीले यो प्रणाली मार्फत सेवा सुरु भएपछि कार्यालयको कामलाई समेत सिधै विभागबाट अनुगमन हुने बताउनुभयो । अनलाईनबाटै सबै सेवा प्रदान हुने भएकोले भौतिक रुपमा कार्यालयमा उपस्थित हुनुनपर्ने, सेवाग्राहिको फजुल खर्च नहुने, कार्यालयमा भिडभाडको अवस्था नआउने भएकोले प्रभावकारी रहेको उहाँले बताउनुभयो । चालु आर्थिक वर्षको पहिलो सेवा रुकुम पश्चिमको नापी कार्यालयबाट सुरु गरिएतापनि यो ५१ औं कार्यालय रहेको खत्रीले जानकारी दिनुभयो ।

केन्द्रीय एकिकृत सरकारी सूचना केन्द्रसँग इन्ट्रानेट मार्फत कनेक्नश हुने भएकोले यो सेवा थप भरपर्दो रहेको छ । मेरो कित्तामा सेवाग्राहिले कामको राजश्व तिरेको रसिद अथावा भौचर अपलोड गरेको चार घण्टा भित्रै अनलाईबाटै सेवा दिने प्रावधान रहेको समेत विभागिय प्रतिनिधि खत्रीले बताउनुभयो ।

नापी कार्यालय रुकुम पश्चिमले एक सूचना जारी गरेर यो सेवा बारेमा जानकारी समेत दिएको छ । उक्त प्रविधिको प्रयोग प्रारम्भिक चरणमा रहेको हुँदा सेवा प्रवाहमा केहि समय लाग्न सक्ने समेत कार्यालयले जानकारी दिएको छ ।

मेरो कित्ता मार्फत सेवा लिने बिधि