रुकुम पूर्वमा सत्ता गठबन्धन तर्फका उम्मेदवारहरुले चुनावी अभियान अन्तर्गत जनभेटघाट कार्यक्रमलाई तिब्रता दिएका छन् ।

जस अन्तर्गत गठबन्धनको तर्फबाट प्रदेश सभा ख मा प्रत्यक्ष तर्फ नेपाली काँग्रेसका उम्मेदवार धनबहादुर केसी (डिवी) ले आज सिस्ने गाउँपालिका वडा नम्वर ६ का विभिन्न ठाउँमा जनभेटघाट तथा चुनाव लक्षित कार्यक्रम गर्नुभएको छ । केसीले सिस्ने गाउँपालिकाबाट चुनावि कार्यक्रम थाल्नुभएकोमा आज वडा नम्वर ६ का विभिन्न टोलमा कार्यक्रम गर्नुभएको हो ।

गठनबन्धनका साझा उम्मेदवार केसीले रुकुम पूर्वको विकासको लागि आफुलाई जिताउन आग्रह गर्नुभएको छ । रुकुम पूर्वको आफ्नो क्षेत्रमा धेरै काम गर्न बाँकी रहेको भन्दै केसीले आफु विजय भए पछि विकासमा जोड दिने बताउनुभयो । रुकुम पूर्वको विकासको लागि गठबन्धनले आफुलाई अघि सारेको उहाँले बताउनुभयो ।

आज वडा नम्वर ६ का ढकलबारा, छिप्रिदह लगायत ठाउँमा कार्यक्रम गर्नुभएको हो । पहिलो चरणको कार्यक्रम अन्तरगत उहाँ विभिन्न ठाउँमा पुग्नुहुने छ ।