सोसल मिडिया
रुकुम पश्चिम / रुकुम पश्चिमको चौरजहारी नगरपालिकामा निः शूल्क रुपमा दुई दिने आँखा शिविर सम्पन्न भएको छ । नगरपालिकामा असोज २८ र २९ गते शिविर सन्चालन गरिएको थियो ।
उक्त दुई दिने आँखा शिविरमा जम्मा ९३० जनाले सेवा लिएको चौरजहारी नगरपालिका प्रवक्ता खुमबहादुर खड्काले जानकारी दिनुभयो ।
चौरजहारी नगरपालिकाको आयोजना, ग्लोबल मेडिकल फाउन्डेसन अस्ट्रेलियाको आर्थिक सहयोग र नेपाल नेत्र ज्योति संघ राप्ती आँखा अस्पताल तथा आँखा उपचार केन्द्र सल्लेको प्राविधिक सहयोगमा सन्चालन गरिएको थियो ।
९३० जनामध्ये शिविरमा मोतिविन्दु भएका १०३ जनाको अप्रेशन गर्नुका साथै १०७ जनालाई चश्मा वितरण गरिएको छ ।
अप्रेशन गर्न बिरामीहरूको सहजताका लागि नगरपालिकाका पाँच स्थानमा छनोट शिविर सञ्चालन गरिएको थियो । १४ नम्बर वडा कार्यालय, १२ नम्बर स्थित आधारभूत स्वास्थ्य केन्द्र, सहिदस्मृति नगर अस्पताल, कोटजहारी प्राथमिक स्वास्थ्य केन्द्र र चौरजहारी २ स्थित सेवाकेन्द्रमा छनोट शिविर सन्चालन गरिएको थियो ।
