सोसल मिडिया
रुकुम पश्चिम / रुकुम पश्चिमको मुसिकोटमा युवाहरुको लागि व्यवसायिक उद्यमशिलता तालिम सम्पन्न गरिएको छ ।
नेपाल ख्रीष्टिय राहत सेवाको आयोजना, कभरनेन्ट वल्र्ड रिफिल अमेरीकाको सहयोगमा युवाहरुको लागि ३ दिने तालिम सम्पन्न भएको हो ।
तालिममा युवाहरुको लागि उद्यमशिलताको विषयमा सिकाईएको थियो । युवाहरुलाई व्यवसायीमा लगाउन प्रेरित गर्ने र विभिन्न व्यवसायमा लागेर आर्थिक उर्पाजनमा केन्द्रित गर्ने उद्धेश्यले तालिमको आयोजना गरिएको नेपाल ख्रीष्टिय राहत सेवाका परियोजना अधिकृत सेतलाल सुनारले जानकारी दिनुभयो ।
३ दिनसम्म चलेको तालिममा नगरपालिकाका सबै वडाको युवाहरुको प्रतिनिधिमुलक सहभागिता रहेको थियो ।
तालिममा सिडिआरसीले प्रशिक्षकहरुको व्यवस्था गरेको थियो । मंगलबार तालिमम समापनको अवसरमा नगर प्रमुख महेन्द्र केसीले तालिममा सहभागिहरुलाई प्रमाणपत्र वितरण गर्नुभएको छ ।
