सोसल मिडिया
रुकुम पश्चिमको मुसिकोट नगरपालिका २ मा जीप दुर्घटना भएको छ । दुर्घटनामा परेर चार जना घाईते भएका छन् ।
जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक राजिव श्रेष्ठका अनुसार बाँफिकोटको नदुवाबाट जिल्ला सदरमुकाम मुसिकोट आउँदै गरेको लु १ ज १५६९ नम्वरको यात्रुबहाक जीप बुधबार बेलुका मुसिकोट नगरपालिका २ सल्लेदेखि तल रहेको सतिपोले नजिक दुर्घटना भएको हो ।
दुर्घटनामा परेर आठबिसकोट नगरपालिका २ का १५ बर्षका भुपाल थापा, सोहि स्थानका ५० वर्षिया कमला बुढा, ३० बर्षिया रमिता थापा बोहरा र आठबिसकोट ३ का ९ बर्षिय अभिषेक बोहरा घाईते हुनुभएको छ ।
घाईते मध्य गोपालको हातको पञ्जामा गहिरो घाउ रहेको छ भने कमलाको टाउकोमा चोट लागेको छ । अन्य दुईको भने अवस्था सामान्य रहेको छ ।
घाईतेहरुको प्रहरी र स्थानीयद्धारा उद्धार गरिएको र अहिले जिल्ला अस्पताल सल्लेमा ल्याईएको प्रहरी निरीक्षक श्रेष्ठले जानकारी दिनुभयो । उकालाेमा जीपको ब्रेक फेल हुँदा दुर्घटना भएको बताईएको छ ।
चालक ध्रुव केसी र जीपलाई प्रहरीले नियन्त्रणमा लिएको छ ।
