सोसल मिडिया
रुकुम पूर्व / युनाइटेड मिसन टु नेपाल (युएमएन) रुकुम पुर्व क्लस्टरको जिल्ला परियोजना समितिको समिक्षात्मक बैठक सम्पन्न भएको छ । आज जिल्लाको सिस्ने गाउपालिका वडा नम्बर ५ मा रहेको बिएलबी होटेलमा समिक्षात्मक बैठक सम्पन्न भएको हो ।
युएमएनले स्थानीय साझेदार संस्थाहरुसँगको समन्वयमा संचालन गरेका क्रियाकलापहरुको समिक्षा गर्नुका साथै आवश्यक सल्लाह सुझावका लागि उक्त बैठक संचालन गरिएको युएमएनका टिम लिडर शिव अधिकारीले बताउनुभयो ।
टिम लिडर अधिकारीले युएमएन तथा जिल्ला सल्लाहकार समितिको बारेमा जानकारी गराउनु भएको थियो । यस्तै जिल्लाभर संचालन भएका परियोजना तथा थप नयाँ संचालन गर्न सकिने परियोजनाका बारेमा पनि जानकारी गराउनु भएको थियो ।
युएमएनका साझेदार संस्था नेपाल जनजागरण मंच एन प्याफ ले जिल्लाभर गरेका विभिन्न क्रियाकलापहरुका बारेमा कार्यक्रम निर्देशक शम्भु बिसिले जानकारी गराउनुभएको थियो भने मिक नेपाल र यसले जिल्लाभर संचालन गरेका कार्यक्रमका बारेमा अबिनाश बुढा मगर लगाएतको टिमले जानकारी गराउनु भएको थियो । जानकारीका क्रममा यी संस्थाहरुले गरेका कार्यक्रमहरुबाट कृषि, पशु, शिक्षा र स्वास्थ्य लगाएतका क्षेत्रहरूमा नागरिकहरु लाभान्वित भएका बताएको छ । गरिब, विपन्न तथा घरबारविहिन नागरिकका लागि युएमएन र यसका साझेदार संस्थाहरुले विभिन्न शिर्षकहरुमा सहयोग गर्दै आइरहेका छन ।
विशेष गरि जिल्लाका भुमे र पुथा उत्तरगङ्गा गाउपालिकामा कार्यक्षेत्र रहेको यस संस्थाबाट भुमे गाउपालिकाका १९ हजार ८३५ जना लाभान्वित भएका छन भने पुथा उत्तरगङ्गा गाउपालिकाका १८ हजार ९५४ जना लाभान्वित भएको युएमएनले जनाएको छ ।
बैठकका अध्यक्ष एवम जिल्ला समन्वय समितिका प्रमुख मेघ बहादुर श्रेष्ठले युएमएन र यसका साझेदार संस्थाहरुले जिल्लामा संचालन गरेका कामहरु प्रती आफू खुशि भएको बताउनुभयो । उहाँले कृषि, स्वास्थ्य, शिक्षा लगाएतका क्षेत्रहरूमा गरिएका विभिन्न कामहरुले सरकारलाई नै थप मद्धत पुर्याएको र यस्ता कार्यक्रमहरु जिल्लाभर नै आवश्यक रहेको हुँदा जिल्लाभर विस्तार गर्न पनि उहाँले आग्रह गर्नु भयो ।
बैठकमा सहभागी अन्य कार्यालयका प्रमुख एवम् प्रतिनिधिहरुले अनुदानको स्केल बढाएर पुर्ण प्याकेजका कार्यक्रहरु संचालन गर्न र ठोस उपलब्धिका कार्यक्रम संचालन गर्न सुझाएका छन् ।
जिल्ला समन्वय समितिका प्रमुख एवम युएमएनका जिल्ला परियोजना समितिको सल्लाहकार मेघ बहादुर श्रेष्ठको अध्यक्षतामा संचालन गरिएको समिक्षात्मक बैठकमा पुथा उत्तरगंगा र भुमे गाउपालिका अध्यक्ष पुणिराज घर्ती र होमप्रकाश श्रेष्ठ, सहायक प्रमुख जिल्ला अधिकारी हिरालाल आचार्य लगाएत जिल्ला स्थित विभिन्न कार्यालयका प्रमुखहरु लगाएतको उपस्थिति रहेको थियो । बैठकको सन्चालन युएमएनका सक्षम परियोजना व्यवस्थापक हेमन्त राईले गर्नु भएको थियो ।
