जिल्ला प्रशासन कार्यालय रुकुम पूर्वले जिल्लामा मादक पदार्थ निषेध गरेको छ ।

आईतबार एक सूचना जारी गर्दै कार्यालयले आगामी मंसिर ४ मा हुने प्रतिनिधिसभा र प्रदेशसभा सदस्य निर्वाचनलाई मध्यनजर गर्दै जिल्लामा मदिरा ओसार पसार, बिक्रि वितरण तथा सेवनमा निशेष गरिएको जनाएको छ ।

सहायक प्रमुख जिल्ला अधिकारी हिरालाल आचार्यका अनुसार निर्वाचनलाई स्वतन्त्र, निश्पक्ष, शान्तिपुर्ण, भयरहित एवम् विश्वसणीय वातावरणमा सम्पन्न गर्ने सन्दर्भमा गृह मन्त्रालयबाट प्राप्त निर्देशन अनुसार जिल्लामा मदिरा निधेष गरिएको हो ।

२७ गते आईतबार राति १२ बजेदखि अन्तिम मतपरिणाम घोषणा नहुँदा सम्म जिल्लामा मदिरा ओसार पसार, विक्रि वितरण तथा सेवन गर्न पूर्ण रुपमा निशेध गरिएको सहायक प्रजिअ आचार्यले बताउनुभयो ।

उक्त सूचनाको बर्खिलाप गरेमा प्रचलित कानून बमोजिम कारबाहि गरिने समेत सूचनामा उल्लेख गरिएको छ ।