सोसल मिडिया
रुकुम पश्चिम / सोमबार राति ११ बजेबाट सुरु हुने भनिएको रुकुम पश्चिमको मतगणना भोलि मंगलबार बिहानबाट हुने भएको छ ।
मुख्य निर्वाचन अधिकृतको कार्यालयमा भएको सर्वदलिय बैठकको निर्णय अनुसार बिहान सात बजेबाट मतगणना सुरु हुने भएको हो ।
जिल्लाका सात मतदान केन्द्रमा पुन मतदानको माग गर्दै मुख्य निर्वाचन अधिकृतको कार्यालयमा उजुरी दिएको नेकपा एमालेका कुनै पनि प्रतिनिधिहरु बैठकमा नआउँदा मतगणनाको काम सुरु हुन नसकेको हो ।
एमालेले सात वटा मतदान केन्द्रमा माओवादी केन्द्रले बुथ कब्जा गरेर फर्जि मत हालेको भन्दै उजुरी गरेको छ ।
मुख्य निर्वाचन अधिकृतको कार्यालयले मंगलबार बिहान सात बजेबाट मतनणना सुरु गर्ने एक सूचना मार्फत जानकारी गराएको छ ।
