शिक्षामन्त्री गिरिराजमणि पोखरेलले आधारभुत तहसम्मको शिक्षा नलिने व्यक्ति राज्यको सेवा सुविधाबाट बञ्चित हुने बताएका छन् ।

झापामा आयोजित कार्यक्रममा मन्त्री पोखरेलले आधारभूत तहसम्मको शिक्षा नलिने व्यक्तिले बैंक खाता समेत खोल्न नपाइने भएकोले सेवा सुविधाबाट बञ्चित हुने बताए ।

अहिले स्थानीय सरकारले नीति विपरित धमाधम शिक्षक भर्ना गरिरहेकोले शिक्षक भर्ना आयोगले मात्रै गर्न पाउने अधिकार रहेको उनले प्रष्ट पारे ।
नयाँ शैक्षिक सत्र शुरु भइसकेकोले सामुदायिक विद्यालयले कुनै पनि शिर्षकमा शुल्क लिन नमिल्ने बताए ।

मन्त्री पोखरेलले झापाका केही सरकारी विद्यालयले विद्यार्थीबाट शुल्क लिएको विषय जानकारी आएकोले त्यस्तो कार्य तुरुन्त बन्द गर्न पनि आग्रह गरे