सोसल मिडिया
इन्डियन प्रिमियर लिग आइपिएल क्रिकेटमा आज उपाधि भिडन्त हुदैछ । उपाधिका लागि आज बेलुकी हैदरावादमा मुम्बई इन्डियन्स र चेन्नाई सुपर किंस भिडैछन् ।
खेल बेलुकी पौने ८ बजे शुरु हुनेछ । मुम्बई र चेन्नाई उपाधिका लागि चौथो पटक भिड्न लागेका हुन् । दुवै टिम उपाधि उचाल्ने दाउका साथ मैदान उत्रँदैछन् ।
यसअघि सन २०१०, २०१३ र २०१५ मा फाइनलमा यी दुबै फाइनलमा भिडन्त भएको थियो । जसमा मुम्बईले २०१३ र २०१५ मा गरी दुइपटक उपाधि जितेको थियो भने चेन्नाईले २०१० को उपाधि हात पारेको थियो ।
यसैबिच आईपीएल क्रिकेट खेलेर नेपाली राष्ट्रिय टोलीका लेग स्पिनर सन्दीप लामिछाने आज स्वदेश फर्कने भएका छन् । दिल्ली क्यापिटल्सबाट आइपिएल खेलेका सन्दिप आज फर्कन लागेका हुन् ।
नेपाली राष्ट्रिय टोलीका टिम व्यवस्थापक रमन शिवाकोटीका अनुसार सन्दिप दिउँसो नेपाल आइपुग्नेछन् । यस सिजनमा आइपिएलमा सन्दीपले ६ खेल खेल्दै ८ विकेट लिएका थिए ।
