सोसल मिडिया
जाजरकोट / जाजरकोट प्रदेश सभा (ख) बाट उम्मेदवार बन्नु भएका नेपाली काँग्रेसका राजीव विक्रम शाह चुनावी खर्च विवरण बुझाउनु भएको छ ।
उहाँ प्रतिनिधिसभा र प्रदेश सभा निर्वाचनमा उम्मेदवार भएर खर्च विवरण बुझउाने जिल्लाको पहिलो उम्मेदवार बन्नुभएको छ ।
उहाँले आईतबार दिउँसो निर्वाचन कार्यालय जाजरकोट खलङ्गामा पुगेर चुनावमा लागेको खर्चको विवरण बुझाउनु भएको हो । उहाँले चुनावमा १४ लाख रुपैयाँ खर्च भएको बताउनु भएको छ ।
उहाँसँगै कर्णाली प्रदेश सभामा समानुपातिकतर्फ जाजरकोटबाट नेपाली कांग्रेसका उम्मेदवार बन्नुभएका गणेश अधिकारीले पनि आफ्नो चुनावी खर्चको विवरण बुझाउनु भएको छ । उहाँले चुनावमा ४२ हजार रुपैयाँभन्दा बढी खर्च भएको विवरणमा जनाउनु भएको छ ।
निर्वाचन आयोगका अनुसार चुनाव सम्पन्न भएको एक महिनाभित्र खर्च विवरण कार्यालयमा बुझाउनु पर्ने हुन्छ ।
