कविता : पितृसत्ताको आगो

२०७९ मंसिर २२

इतिहासबाटै पितृसत्ताको अग्निमा जलाइए

सतीहरू , बृन्दाहरू

कतै प्रतिव्रता धर्म भङ्ग गरेर

कतै पतिव्रता धर्मको रक्षार्थ बलि चढेर !

जलाइए

आफ्नै दाजुको आदेश सिरोपर्य गर्ने होलिकाहरू ..!

पतिको आत्मसम्मानार्थ

आफ्नै आत्मसम्मानलाई

जलाउन तमतयार

अग्नि परिक्षामा होमिइन् सीता !

ए ! आधुनिक स्त्रीहरू ,

जानिराख

इतिहासबाटै हरेक चरण

तिम्रो आत्मसम्मान , स्वाभिमान

र तिम्रो अस्तित्वको प्रतिपक्षमा दन्किरहेको छ आगो

त्यसैले अब आत्मदाह होइन

स्वयं आगो निलेर बाँच

त्यस्तो आगो

जो पितृसत्ताको राप बनेर

इतिहासबाट आजसम्म पनि

लगातार जलाइरहेको छ तिम्रो अस्तित्व !!

प्रकाशित मिति: बिहीबार, मंसिर २२, २०७९ १३:१२

प्रतिक्रिया दिनुहोस्

लोकप्रिय

थप समाचार

२०७९ मंसिर २२

२०७९ मंसिर २२

२०७९ मंसिर २२

२०७९ मंसिर २२