रुकुम पश्चिमको सानीभेरी गाँउपालिका वडा नं ११ मा रहेको एक विद्यालयले शैक्षिक अन्तरक्रिया तथा सामाजिक परीक्षण कार्यक्रम गरेको छ ।

दीपज्योती आधारभुत बिद्यालय सानीभेरी ११ काँडाले बुधबार अभिभावकसँग शैक्षिक अन्तरक्रिया तथा आर्थिक वर्ष ०७८/७९ सालको सामाजिक परीक्षण गरेको हो ।

कार्यक्रममा सहभागिहरुले शैक्षिक सवालका विभिन्न प्रश्नहरुको उठान गरेका छन् । विद्यालयमा विद्यार्थीहरुलाई गृहकार्य नदिएको, जाडोयाममा बाहिर बसालेर गणित शिक्षण गर्न नहुने, शिक्षकहरुले मोबाइल खेलाएर बस्ने गरेको जस्ता गुनासोहरु सरोकारवालाले गरेका छन् ।

कार्यक्रममा सहभागीहरुले गुनासोहरुको सकारात्मक ग्रहण र सुधारको लागि सुझाव समेत दिएका छन् ।

कार्यक्रममा आर्थिक वर्ष ०७८/७९ को कुल आय २८ लाख ५८ हजार ४६९ र खर्च २८ लाख ३५ हजार ५६७ गरेर बचत २२ हजार ९०२ भएको विद्यालयका प्रधानाध्यापक दिनेश खड्काले जानकारी दिनुभएको छ ।

विद्यालयका शिक्षक अभिभावक संघ संयोजक कर्णबहादुर ओलीको अध्यक्षयतामा भएको कार्यक्रममा वडा नम्वर ११ वडा अध्यक्ष भुपालसि ओलीको प्रमुख आतिथ्यता रहेको थियो । कार्यक्रमको बिशेष आतिथ्यता विव्यस अध्यक्ष लोकबहादुर खड्का रहेको थियो भने वडा सदस्यहरु, विव्यस सदस्यहरु, अभिभावक शिक्षक, विद्यार्थीहरुको उपस्थिति रहेको थियो । कार्यक्रमको सञ्चालन विव्यस सदस्य सचिव एवं प्रधानाध्यापक दिनेश खड्काले गर्नुभएको थियो ।