सोसल मिडिया
रुकुम पश्चिमको मुसिकोट नगरपालिका वडा नम्वर १३ को झाँक्रीखोला - डाडाँछिवाङ सडकखण्डको स्तरोन्नतिको काम सुरु भयको छ ।
वडा कार्यालयले चालु आर्थिक वर्ष ०७९/८० को शहरी शासकीय कार्यक्रम अन्तर्गतको कार्यक्रमबाट उक्त सडकखण्ड स्तरोन्नती गर्न थालेको हो ।
वडा अध्यक्ष खलबहादुर खड्काका अनुसार वडा नम्वर १३ को झाँक्रिखोला - फलाढुंगा - थुमचौर - हाईवाङ हुदै त्रिवेणीसम्म उक्त सडकखण्ड जोडिएको छ । यस कार्यका लागि वडाले आठ लाख रकम बिनियोजन गरेको छ ।
सडक स्तरोन्नतीको लागि दिपक केसीको अध्यक्षतामा उपभोक्ता समिति निर्माण गरेर काम सुरु गरिएको छ । एक सातामै स्तरोन्नतीको काम सम्पन्न हुने वडा अध्यक्ष खड्काले जानकारी दिनुभयो । - घनश्याम खड्का
