सोसल मिडिया
सत्तारुढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले आउने निर्वाचनमा एक्लै दुई तिहाइ मत ल्याउने गरी पार्टीले बजेटको तयारी गरेको दाबी गरेका छन् ।
सिन्धुलीमा आयोजित एक कार्यक्रमलाई संबोधन गर्दै उनले अघिल्लो वर्षको बजेटले जनतामा आशा जगाउन नसकेको स्पष्ट पारे । उनले जनमुखी, लोकप्रिय र सामाजिक सुरक्षामा केन्द्रित गरेर आगामी बर्षको बजेट ल्याउने तयारी भईरहेको बताए ।
अध्यक्ष प्रचण्डले पार्टी एकतालाई छिमेकी देशले माइक्रोस्कोप लगाएर हेरेको बताउँदै केन्द्र, प्रदेश र स्थानीय तहमा समेत नेताहरूको सही व्यवस्थापन नभए अप्ठ्यारो अवस्था आउने बताए ।
