सोसल मिडिया
सुर्खेत / कर्णाली प्रदेश सभाको सभामुखको निर्वाचन माघ १ गते हुने भएको छ । कर्णाली प्रदेश सभाको दोस्रो कार्यकालका लागि सभामुखको निर्वाचन माघ १ गते दिउँसो १:०० बजे तोकिएको हो ।
प्रदेश सभाको अधिवेशनको पहिलो बैठक प्रारम्भ भएको १५ दिनभित्र सभामुख र उपसभामुखको निर्वाचन गरिसक्नुपर्ने संवैधानिक व्यवस्था छ । सोही अनुसार सोमबार बसेको प्रदेश सभाको पहिलो अधिवेशनको दोस्रो बैठकले कर्णाली प्रदेश सभा नियमावली २०७९ को नियम ७ बमोजिम प्रदेश सभाका सभामुखको निर्वाचनको मिति तोकेको हो ।
