सोसल मिडिया
बढ्दो सडक दुर्घटना कम गर्न चेतना अभिवृद्धिका लागि मयुर नेपाल नामक संस्थाले बिद्यालय लक्षित कार्यक्रम सुरु गरेको छ । सडक सुरक्षाका बारेमा चेतना दिन बिद्यालयमा सचेतना कार्यक्रम पर्चा वितरण र र्याली जस्ता कार्यक्रम सञ्चालन भैरहेको संस्थाले जनाएको छ ।
मयुर नेपालले महेन्द्र राष्ट्रिय माध्यामिक विद्यालय वालुवाटारका कक्षा ५, ६ र ७ का बिद्यार्थीका लागि सचेतना कक्षा सञ्चालन गरेको छ । कार्यक्रममा महानगरिय ट्राफिक प्रहरी प्रभाग रामपथका प्रहरी निरिक्षक दामोदर भट्ट सहितको टोलीले ट्राफिक नियमका बारेमा जानकारी दिएको थियो । ५६ जना बिद्यार्थीको सहभागिता रहेको कार्यक्रममा २ जना जापानी नागरीकले आफ्नो देशको सडक सुरक्षाबारे अनुभव सुनाएका थिए ।
कार्यक्रममा मयुर नेपालका प्रमिला रिमाल र संगीता घिमिरेले सहजीकरण गरेका थिए । कार्यक्रममा सडक सुरक्षासम्बन्धी अडियो भिडियो सन्देश नाटक प्रस्तुत गरिएको थियो । कार्यक्रममा सृजना अधिकारी , माया चौधरी, ईन्दु बस्नेत र रेश्मा बस्नेतले स्वयंसेवकका रुपमा सहयोग गरेका थिए ।
