उपप्रधान तथा गृहमन्त्री रवि लामिछानेविरुध्दको नागरिकतासम्बन्धी मुध्दामा सर्वोच्च अदालतले उनलाई दोषी ठहर गरेको छ । 

कायममुकायम प्रधानन्यायाधीश हरिकृष्ण कार्की तथा न्यायाधीशहरु विश्वम्भरप्रसाद श्रेष्ठ, ईश्वरप्रसाद खतिवडा, डा.आनन्दमोहन भट्टराई र अनिलकुमार सिन्हा सम्मिलित संवैधानिक इजलासले लामिछानेले नागरिकता पुन: प्राप्तिको प्रक्रिया पुरा नगरेकोले यस्तो फैसला सुनाएको हो ।

अदालतको यो फैसलाले अब उनको पासपोर्टसमेत छानविनको दायरामा आउने छ । लामिछानेले सन् २०१४ मा अमेरिकी पासपोर्ट लिएका थिए भने २०१५ मा नेपालमा पासपोर्ट बनाएका थिए । त्यसको तीन वर्षपछि मात्र उनले अमेरिकी पासपोर्ट त्यागेका थिए ।