सोसल मिडिया
रुकुम पश्चिम / रुकुम पश्चिममा स्काभेटर दुर्घटना हुदाँ चालक घाइते भएका छन ।
जिल्लाको आठबिसकोट नगरपालिका २ साजेबगरमा शनिबार स्काभेटर दुर्घटना हुँदा चालक सरोज चौधरी घाइते भएको आठबिसकोटका नगरप्रमुख रवि केसीले जानकारी दिनुभयो ।
उहाँका अनुसार साजेबगर देखि काँडादह जोड्ने सडक निर्माणका क्रममा सडक भासिएर स्काभेटर पल्टिदा चालक घाइते भएका हुन ।
घाइते चालक चौधरीको आठबीसकोट नगर अस्पताल राडीमा उपचार भइरहेको र अवस्था सामान्य रहेको समेत नगरप्रमुख केसीले बताउनुभयो ।
