सोसल मिडिया
रुकुम पश्चिममा ट्याक्टर दुर्घटना हुदाँ एक जनाको मृत्यु भएको छ । जिल्लाको मुसिकोट नगरपालिका १४ छिवाङ ज्युलास्थित डुडे बगरमा मंगलबार राति ट्याक्टर दुर्घटना हुदाँ एक जनाको मृत्यु भएको हो भने एक जना घाइते भएका छन् ।
मुसिकोट नगरपालिका ४ सोलावाङबाट सानीभेरी गाउँपालिकाको सिम्लीतर्फ जादैं गरेको ना ६ त ७७१३ नम्बरको ट्याक्टर दुर्घटना भएको जिल्ला प्रहरी कार्यालय रुकुम पश्चिमका सुचना अधिकारी प्रहरी निरिक्षक राजिव श्रेष्ठले जानकारी दिनुभयो ।
उहाँका अनुसार ट्याक्टर दुर्घटना हुदाँ सहचालक भेरी नगरपालिका १ जाजरकोटका अन्दाजी ३४ वर्षिया हरि बहादुर वि.क को मृत्यु भएको हो । उपचारको लागि जिल्ला अस्पताल सल्लेमा लिएको बेला उहाँलाई र्मत घोषणा गरिएको थियो ।
दुर्घटनामा परेर ट्याक्टर चालक मुसिकोट नगरपालिका ६ घोरखानीका २२ वर्षिय मनबहादुर विक घाईते हुनुभएको प्रहरीले जनाएको छ । घाईतेको स्वास्थ्य अवस्था गम्भिर रहेको जनाईएको छ । उहाँलाई थप उपचारको लागी नेपालगन्ज पठाइएको छ ।
