सोसल मिडिया
रुकुम पश्चिमको मुसिकोट नगरपालिका वडा नम्वर १२ मा रहेको जनकल्याण माध्यमिक बिधालयको नयाँ भवन उद्घाटन गरिएको छ । शुक्रबार मुसिकोट नगरपालिकाका प्रमुख महेन्द्र केसीले विद्यालयको भवन उद्घाटन गर्नुभएको हो ।
उक्त भवन राष्ट्रपति शैक्षिक सुधार कार्यक्रम अन्तरगत ४ कोठाको निर्माण गरिएको हो । भवन निर्माणमा ३६ लाख रकम खर्च भएको शिक्षक शिवप्रशाद ओलीले जानकारी दिनुभयो ।
कार्यक्रमको अवसरमा विद्यालयका सहयोगिदाताहरुलाई पनि सम्मान गरिएको छ । सहयोगिदाता सुरेस गिरी र रुपा ओलीलाई सम्मानपत्रले सम्मान गरिएको हो ।
त्यस्तै विद्यालय व्यवस्थापन समितिका सस्थापक अध्यक्ष, सदस्यहरुलाई पनि सम्मान गरिएको छ । नगर प्रमुख महेन्द्र केसीको प्रमुख आतिथ्यता रहेको कार्यक्रममा नगरपालिका सामाजिक विकास समिति संयोजक एक्कबहादुर पाण्डे, वडा अध्यक्ष धिरन सिर्पाली, नगरपालिका निमित्त प्रमुख प्रशासकीय अधिकृत विनाराम खड्काको आतिथ्यता रहेको थियो ।
कार्यक्रमको अवसरमा विद्यालयका प्रधानाध्यापक रामप्रशाद ओलीले वार्षिक प्रगती प्रतिबेदन प्रस्तुत गर्नुभएको थियो । शिक्षक अभिभावक संघका अध्यक्ष लालबहादुर केसीको अध्यक्षतामा भएको कार्यक्रमको संचालन शिक्षक मिनराज ओलीले गर्नुभएको थियो ।
