सुदुरपश्चिम प्रदेश सरकार सामाजिक विकास मन्त्रालयको आर्थिक सहयोगमा स्टार प्रा.लि. धनगढीले डोटीको दिपायलमा निशुल्क बैदेशीक भाषा प्रशिक्षण तालिम सुरु गरेको छ ।

४५ दिन सम्म संचालन हुने उक्त बैदेशिक भाषा प्रशिक्षण तालिमको शुक्रबार एक कार्यक्रमका विच शुभारम्भ गरिएको आयोजक संस्थाका कार्यक्रम संयोजक सन्तोष भट्टले बताए ।

दिपालय सिलगढी नगरपालिका बडा नं. ३ का अध्यक्ष चक्र वहादुर माझीको सभापतित्व र सोहि नगरपालिकाका शिक्षा विकास अधिकृत मन्जु थापाको प्रमुख आतिथ्यतामा भाषा प्रशिक्षण कार्यक्रमको उद्घाटन भएको हो ।

बैदेशिक रोजगारमा जान चाहने युवालाई लक्षित गरि संचालन गरिएको उक्त प्रशिक्षणमा ३५ जनाको सहभागीता रहेको छ । भाषा सिक्न चाहने व्यक्तिहरुको आबेदनहरुबाट छनौटमा परेका ३५ जनालाई प्रशिक्षण गर्न थालिएको भट्टले जानकारी दिए । सुदुरपश्चिम प्रदेशमा तराईका २ र पहाडका ७ जिल्ला गरि ९ जिल्लाहरुमा स्टार प्रा.लि.ले भाषा प्रशिक्षण सुरु गरेको छ ।