सोसल मिडिया
रुकुम पूर्वको सिस्ने गाउँपालिका ५ मा रहेको रुक्मिणी माध्यामिक बिद्यालयमा बिद्यार्थी उद्यमी क्लब गठन गरिएको छ ।
प्राविधिक धारतर्फका विद्यार्थीहरुको एक भेलाले क्लब गठन गरेको हो । कक्षा ९ अध्ययनरत प्रिया बुढाक्षेत्रीको अध्यक्षतामा १५ सदस्यीय बिद्यार्थी उद्यमी क्लब गठन गरिएको बताईएको छ । क्लबको उपाध्यक्षमा सुशिल रसाईली, सचिबमा भूमिका सिहं ठकूरी र कोषाध्यक्षमा निष्ठा हमाल रहनुभएको छ ।
आर्थिक वर्ष ०७९/८० को राष्ट्रिय युवा परिषदको वार्षिक कार्यक्रम अनुसार सिस्ने गाउँपालिकामा “एक शिक्षण संस्था एक उद्यम कार्यक्रम” संचालनका लागि बिद्यालयमा आज उक्त क्लब गठन गरिएको हो ।
सार्वजनिक शिक्षामा गुणस्तर, नवप्रर्वतन तथा उद्यमशीलता विकास गरी शिक्षण रुपान्तरण गर्नुका साथै सार्बजनिक शिक्षाको सबलीकरण गर्ने उद्धेश्यका साथ नेपाल सरकार युवा तथा खेलकुद मन्त्रालयको आर्थिक वर्ष ०७९/८० को वार्षिक कार्यक्रम अनुसार सिस्ने गाउँपालिकामा संचालित सामूदायिक माध्यामिक बिद्यालयमा उक्त कार्यक्रम संचालन गर्ने कार्यबिधि रहेको सिस्ने गाउँपालिका शिक्षा युवा तथा खेलकुद शाखा प्रमुख मंगलसिंह बुढाले जानकारी दिनुभयो । उक्त कार्यबिधि अनुसार प्राबिधिक तथा व्यवसायिक धार संचालन गरेका बिद्यालयलाई बिशेष प्राथमिकतामा राखी १ बिद्यालय छनौट गरिने छ । बिद्यालय छनौटका लागि आगामी फागुन ५ गतेसम्म बिद्यालयहरुलाई प्रस्ताब पेश गर्न सिस्ने गाउँपालिकाले सूचना जारी गरेको छ । बिद्यार्थीहरुको समूहबाट कुनै एक शिर्षमा उद्यम व्यवसाय गरी त्यसको आम्दानी बिद्याथीहरुको शैक्षिक क्षेत्रमा लगानी गरिने बताईएको छ । छनौटमा परेको बिद्यालयले ५ लाख २५ हजार बजेटबाट उक्त कार्यक्रम संचालन गर्नेछन् ।
