रुकुम पुर्वको पुथा उत्तरगंगा गाउँपालिकामा सामाजिक सुरक्षा तथा व्यक्तिगत घटना दर्ता सम्बन्धि प्रशिक्षण कार्यक्रम सम्पन्न भएको छ ।

गाउँपालिकाको पञ्जिकरण शाखाको आयोजनामा तकसेरामा शुक्रबार प्रशिक्षण कार्यक्रम सम्पन्न भएको हो । स्थानीय पञ्जिकाधिकारी र वडा कार्यालयका सहायकहरु प्रशिक्षणमा सहभागि भएको गाउँपालिकाले जनाएको छ ।

प्रशिक्षणमा अनलाईन मार्फत व्यक्तिगत घटना दर्ता, सामाजिक सुरक्षाका कार्य र भर्चुअल प्राईभेट नेटवर्क सम्बन्धि जानकारी दिईएको पुथा उत्तरगंगा गाउँपालिकाको पञ्जिकरण शाखा प्रमुख समिर गिरीले जानकारी दिनुभयो । उहाँका अनुसार गाउँपालिकामा नयाँ नियुक्त भएका वडा सहायकहरुलाई लक्षित गरेर प्रशिक्षण सञ्चालन गरिएको थियो ।

पञ्जिकरण शाखाका विवेक केसीले पञ्जिकरण विभागले बनाएको भर्चुअल प्राईभेट नेटवर्क, व्यक्तिगत घटनाहरुका दर्ता प्रक्रियाबारे प्रशिक्षणमा सहजिकरण गरिएको छ । पुथा उत्तरगंगाका १४ वटै वडा कार्यालयलहरुले आफ्नै आईडि निर्माण गरेर अनलाईन मार्फत पञ्जिकरणका कामहरु गरिरहेको केसीले उल्लेख गर्नुभयो ।

तालिमको सहजिकरण पञ्जिकरण शाखा प्रमुख समिर गिरी, स्वास्थ्य शाखाका सह संयोजक कलिभान बिष्ट र पञ्किरण शाखाका विवेक केसीले गर्नुभएको थियो । प्रशिक्षण कार्यक्रमको उद्घाटन सत्रमा गाउँपालिका अध्यक्ष पुनिराज घर्ती, उपाध्यक्ष भुपेन्द्रा बुढा, निमित्त प्रमुख प्रशासकीय अधिकृत बशिष्ट नारायण यादवको आथित्यता रहेको थियो ।

पुथा उत्तरगंगा गाउँपालिकाले २०७८ भदौ १८ गतेदेखि अनलाई सिस्टम मार्फत पञ्जिकरण सेवा सुरु गरेको थियो ।