कार्यसम्पादन मूल्यांकनमा जिल्ला प्रशासन कार्यालय रुकुम पूर्व देशभरीका जिल्ला प्रशासन कार्यालयमध्ये दोस्रो हुन सफल भएको छ । चालु आर्थिक वर्षकाे पहिलो अर्ध बार्षिक अवधिमा रुकुम पूर्व दोश्रो भएको हो ।

फागुन ११ गते बिहिबारका दिन गृह मन्त्रालयले एक सूचना मार्फत रुकुम पूर्वको जिल्ला प्रशासन कार्यालय द्धितीय भएको नतिजा सार्वजनिक गरेको हो । आर्थिक वर्ष ०७९/८० का लागि गृहसचिव र प्रमुख जिल्ला अधिकारी बीच भएको अर्धवार्षिक कार्यसम्पादन मूल्यांकनमा उक्त नजिता निकालिएको हो ।

गृह मन्त्रालयका सह सचिव डा. भीष्मकुमार भुषालका अनुसार कार्यसम्पादन सम्झौता र सो सम्झौतामा उल्लेखित सूचकको आधारमा स्वाचालित रुपमा मूल्यांकन हुने प्रणाली CDO Performance Appraisal System (CPAS) मा प्रविष्ट विवरणको मूल्यांकनबाट चालु आर्थिक वर्ष ०७९/८० को पहिलो अर्ध वार्षिक अवधिमा जिल्ला प्रशाुन कार्यालय रुकुम पूर्व दोस्रो स्थानमा आएको हो ।

सह सचिव भुषालेले रुकुम पूर्वले ७४ वटा परिसूचकहरूमा ४०.१३ अङ्क ल्याएको बताउनुभयो । रुकुम पूर्वका प्रमुख जिल्ला अधिकारी तुलाराज सुनुवार हुनुहुन्छ ।