सोसल मिडिया
रुकुम पूर्वमा आफैले सञ्चालन गरेको आरा मेसिनमा परेर एक जनाको मृत्यु भएको छ ।
जिल्लाको पुथा उत्तरगङ्गा गाउँपालिका वडा नम्वर १२ क्युबाङका कर्मधन पुनको मंगलबार राती मृत्यु भएको हो ।
पुथा उत्तरगंगा गाउँपालिकाका अध्यक्ष पुनिराज घर्तीका अनुसार मंगलबार राती करिब ८ बजेतिर आरा मेसिन अचानक दुर्घटना हुँदा घाईते हुनुभएका पुनलाई उपचारका लागि रुकुम पूर्व अस्पताल लैजादै गर्दा बाटोमै मृत्यु भएको हो ।
आरा मेसिन दुर्घटनाको खबर लगत्तै आफू सहित गाउँपालिका उपाध्यक्ष भुपेन्द्रा बुढा घटनास्थल पुगेको र गाउँपालिकाकै गाडिमा रुकुमकोट स्थित अस्पताल लैजाने बेलामा उहाँको मृत्यु भएको अध्यक्ष घर्तीले जानकारी दिनुभयो ।
