रुकुम पश्चिमको सानीभेरी गाउँपालिकाले गाउँपालिका भित्रका मेलमिलापकर्ताहरुको लागि मेलमिलाप सम्बन्धिको आधारभूत तालिम दिएको छ ।

११ वटा वडा भित्रका प्रत्येक वडाबाट ३ जनाका दरले जम्मा ३३ जना मेलमिलापकर्ता र न्यायिक समितिका पदाधिकारीहरुलाई न्यायीक निरुपण र मेलमिलाप सम्बन्धिको तालिम दिइएको सानीभेरी गाउँपालिका न्यायीक समितिका संयोजक एवम् गाउँपालिका उपाध्यक्ष कमला रोका पुनले जानकारी गराउनुभयो ।

न्यायीक समितिको आयोजना र प्राकृतिक स्रोत द्वन्द रुपान्तरण केन्द्र नेपालको सहजिकरणमा तालिम सम्पन्न भएको हो । तालिमको सहजिकरण नेपालगंज उच्च अदालतका न्यायधिस बामदेव ज्ञवाली र प्राकृतिक स्रोत द्वन्द रुपान्तरण केन्द्र नेपालकी रमिला हुमागाईले गर्नुभएको थियो ।

४८ घण्टे मेलमिलाप सम्बन्धिको तालिम पश्चात वडामा हुने विवादहरु सामुदायिक मेलमिलाप केन्द्र स्थापना गरी मेलमिलापबाट समाधान गरिने गाउँपालिका अध्यक्ष बिर्खबहादुर बिष्टले बताउनुभयो ।